Лэчыт юан – юн валэктон

Семья но дышетон сӧзнэт ог-огенызы юн герӟаськемын. Соин ужрадын но нимысьтыз саклык висъяськиз нылпи садын этнокультурной дышетон удысын туала югдурлы: лэчыт ужпумъёслы но азинскон сюресъёслы. Эскериськизы нылпи садъёсын ужан амалъёс, кызьы со амалъёс лулчеберетэз утёнын но азинтонын юртто. Пусъемын вал вордскем кыллы дышетонын анай-атайёслэн рользы но. Ведь нылпи трос гинэ дырзэ семьяын ортчытэ. 

Пичи кенешлэн ужаз пыриськизы вань удмуртъёслэн «Удмурт Кенеш» огазеяськонзылэн тӧроез Андрей Ураськин, «Чакара» фестивальлэн кивалтӥсез Флёра Чибышева но пӧртэм мукет ӧнерчиос.

Ужрадэ асьме ёросысь «Кенеш» огазеяськонлэн кивалтӥсез Ольга Пчельникова но пыриськиз. Люкаськемъёсты со Татарстанысь «Гырон быдтон» празднике куное ӧтиз.

Ужрадын озьы ик эскериськизы йӧскалык праздникъёслы дасяськон ужрадъёс но, «Удмурт Кенеш», «Удмурт нылкышно кенеш» огазеяськонъёслэн ужпумъёссы но. 

Ӵектэм дэмланъёс люкаськемъёсын эскеремын но уже кутэмын. Лэчыт юанъёс одно ик чурыт валэктонъёс куро! Оскон кылдэ, азьланяз пичи вамышъёсын ке но, вань нылпиос понна нылпи садысен ик вордскем кылэз дышетон азьпал радын сылоз шуыса.