Хезмәт

Нылпиосты шумпоттӥзы

Кылем арнялэн пумаз районын «Школае дасяськыны юртты» акцилэн рамкаяз бадӟым ужрад ортчиз. Пиналъёсты дышетскон сумкаосын но кулэ луись арбериосын шумпоттыны юстицияя министр но лыктӥз.

Ӧжыт доходэн семьяосын будӥсь нылпиослы дышетскон сумкаос сётон пятница нуналлы тодмостӥськиз ке но, ми - район газетлэн редакциезлэн коллективез - ӟеч ужъёсты четверг нуналэ ик кутскимы.
Кугунур гуртын улӥсь Алинаез школьной формаен но сумкаен шумпоттӥмы. Дэремен тӧдьы айшет дӥсяса, кияз сумка кутэмез бере Алиналэсь кыӵе шумпотэмзэ адӟысалды ке?!
- Туж бадӟым тау, - шуиз со, тыршыса дышетско шуыса, кыл сётӥз.
18-тӥ июле район центрын ортчем ужрадэ пыриськись пиналъёслы но таӵе ик шудо минутъёсты адӟыны тупаз. Дышетскон сумкаосты сётыны республикалэн юстицияя министрез Лариса Глухова но лыктӥз. Та нуналэ посёлоклэн центраз «Школьной ярмарка» ужаз. Июль толэзе луэмез ассэ туж юн шӧдытӥз. Ярмаркае лыктӥсьёс ӧжыт вал. Азьвыл дасяськисьёс гинэ татчы лыктоно кариллям.
- Азьвыл дасяськид ке, сюлэмыд каньыл. Дышетскыны кулэ луись арбериез ваньзэ басьтӥмы. Формаё но луимы, - шуэ лыктэмъёслэн одӥгез Алсу апай.
Юстицияя министр но ярмаркалэн уженыз тодматскиз. Собере «Школае дасяськыны юртты» акцилэн рамкаяз ортчись ужрадэ пыриськиз. Татын 1-тӥ классэ мынӥсь 30 нылпилы, 2-11-тӥ классъёсын тодон-валан басьтӥсь 15 дышетскисьлы сумкаос, кулэ луись арбериос сётӥзы. Та нуналэ ваньзэ 100 мында пиналэз шумпоттӥзы. Нырысетӥ классэ мынӥсь вить нылпилы министрлэн киысьтыз кузьым басьтыны шуд усиз. Нылпиосты озьы ик районлэн главаез Рамиль Нутфуллин, Государственной Советлэн депутатэз Марат Зарипов, организация-предприятиослэн кивалтӥсьёссы но шумпоттӥзы. Ужрад бере Лариса Глухова Балтасьын улӥсь Шакировъёс но Сидоровъёс дорын луыса, пиналъёслы дӥсьёс кузьмаз. Та министрлэн ӟеч ужезлэн нырысетӥез гинэ ӧвӧл. Район Сабантуе лыктыкуз та семьяосын луыса коньдонэн юрттэт но саламъёс сётэм вал.

Реклама
Нравится
Поделиться:
Реклама
Комментарии (0)
Осталось символов: