Хезмәт

Балтач районы

18+
2024 - Гаилә елы
Азьлане

Поселенилэн главаез но солэн воштӥсез — гуртлэн осконэз

Соос юонэн но, куанер улонэн но, коррупциен но, калгись пуныосын но, пудо-животэн но, терроризмен но, экстремизмен но нюръясько. Соос ужало умойтэм югдурын улӥсь семьяосын, ортчыто пумиськонъёс нылпиосын, гурт калыкен — огъя вераса, поселениязы умой улон условиос радъян вылысь тыршо. Соос — гуртысь сельсоветын тыршисьёс. Таяз учыре вераськон мынэ Покчи Лӧзя гурт поселенилэн главаез Мухин Сергей Анатольевич но солэн воштӥсез Михайлова Лариса Михайловна сярысь. Малы бен одно ик соос сярысь?

Лариса Михайловна сельсоветын 2006-тӥ арысен тырше. Дас куинь ар ӵоже одӥг должностьын — со главалэн кивоштӥсез. Таӵе интыын ужан понна, юридической образование сяна, кулэ на трос быгатонлыкъёс: адямиен огъя кыл шедьтон, верам кыл вылад сылыны быгатон, котькуд минутэ адямилы юрттыны дась луон. Кызьы главаен, озьы ик гурт калыкен умой кусыпъёсын луоно, школаосын, нылпи садъёсын, библиотекаосын сотрудничать кароно... Та ужъёсты Лариса Михайловна ваньзэ пыр-поч быдэсъя. Одӥг час вераськытозямы но со доры олокӧня адямиос пырыса кошкизы. Кинлы справка кулэ, кинлы — ки нюртоно. Вераськеммы шоры учкытэк, ваньзылы ӧжыт ке но дыр шедьтыса, быгатэмезъя юрттӥз.

— Озьы ик ужаськом, — валэктэ Лариса Михайловна, ӝӧк вылысьтыз трос люкаськем кагазъёссэ огпала октылыса, — кӧня ужъёсты огдыре ужаны луэ, сомындазэ ужаськом.

Бен, ярам али Лариса Михайловна кабинетын пуке. Нош Сергей Анатольевичлэн уж дораз пукыны но дырыз ӧвӧл вылэм. Официально ужан дырыз тямыс часысен кутске ке, со ӵукна сизьым час бере ик уж дораз ветлэ ни. Я отын, я татын со — уж дорысьтыз сое мон но «кутыны» ӧй быгаты. Сыӵе соослэн, главаослэн, ужзы — уй но нунал «Ниваязы» пуксьыса, поселенизы кузя ужъёссы ласянь ветло.

Улэп ке луысал, Сергей Анатольевичлэн атаез, Анатолий Александрович Мухин, пиеныз данъяськысал. Со ачиз но трос аръёс ӵоже сельсоветлэн председателез луыса ужам, табере глава должностьын — солэн пиез. Нош кыӵе со глава — солэн пиез! Калыкен яратымон, кивалтӥсьёсын гажамон. 2015-тӥ арын гинэ та должностьын ужаны кутскем ке но (со дырозь колхозъёсын трос аръёс ӵоже ужам, «Сурнайын» но валтӥсь инженер луэм), ассэ умой паласен ини возьматэм. Одӥг предложениен верано ке, Сергей Анатольевич — активной, но востэм кивалтӥсь. Таин соглаш луизы сельсоветын ужасьёс но. Азьло ужан интыяз но, Субашын, Сергей Анатольевичез туж ярато вылэм. «Милям Мухинмы» гинэ, пе, шуо. Лариса Михайловналэн верамезъя, кивалтӥсьлы та должностьлы дышыны секыт луэм. Бухгалтерия, расчёт, приход, бюджет... Ваньзэ тае тодоно. Капчи уж ӧвӧл. Но шуг-секытъёс шоры учкытэк, Сергей Анатольевич нырысетӥ ужаны кутскем араз ик ужъёс борды кужмо басьтӥськем. Шошма шур дурын утялсконэз традицилы пӧрмытэм, Вылын Ушма гуртэз утялтэм. Пусйыны кулэ Вылын Ушма гуртысь Добромысловъёслэсь активной семьязэс — соос, атайзэс буре ваёнлы сӥзьыса, ошмесэз тупатыса, ошмес корка пуктӥллям. Поселениын депутатъёсын ужъёс но активно нуисько вылэм. Соослэн юрттэменызы (коньдонэн но мукет пӧртэм юрттэменызы) ошмесъёс тупатӥсько, культурно-массовой ужрадъёс ортчытӥсько. Сергей Анатольевич егитъёсты поселенилэн общественной но спортивной улоназ кыске. «Яра али калык солэн кутсконъёсызлы дурбасьтэ», — шумпотэ Лариса Михайловна.

Кемалась ӧвӧл республикаын ортчись «Лучший работник в сфере муниципального управления» конкурсын Сергей Анатольевич тужгес умой кивалтӥсь луиз. Главаез Казаньын интыысь аскивалтон ёзэсын ужасьёслэн нуналазы (со ӵапак Сергей Анатольевичлэн 50 аресъем юбилеяз тупаз) ӟечкылазы, грамотаос сётӥзы, районысен но ӟечкылазы. Вормонэз сярысь Сергей Анатольевич керпотыса вераз: «Та вормонлэн бадӟым люкетэз — Лариса Михайловналэн ужамезлэн тыршемез». Зэм, таин соглаш луыны гинэ кыле. Малы ке шуоно, Лариса Михайловна ачиз но кылем арын та конкурсэ пыриськыса, «Социальное развитие» номинациын вормись луиз. Таӵе бадӟым вормонъёссэс лыдэ басьтыса, Покчи Лӧзя гурт поселение сярысь статья гожтыны малпамы. Интервьюез «Азьлане» газетысь лыдӟыны быгатоды.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: сельсовет глава поселения