Пыласькыны мынӥськоды ке...

— Азьвыл ик тодыны кулэ, кытын но ку адямиос пыласькыны мынозы;

— Пыласькыны малпасьёс капчи но ӝог кыльымон дӥсь дӥсяны но пыдкутчан кутчаны кулэ, умойгес луоз, соос бирдытэк но шнурокъёстэк луизы ке. Нош вуысь потэм бере йыре одно ик изьы поныны кулэ;

— Вуэ пыремлэсь азьвыл кӧня ке минут бызьылыны, тэтчаны, киосын шонаны кулэ, со мугорез шунтыны юрттоз;

— Люкмесэ пырон азьын аракы юыны уг яра;

— Люкмесэ оген пырыны уг яра (оло, юрттэт кулэ луыны быгатоз);

— Люкмес доры каллен гинэ лыктоно, дыртытэк;

— Лёгетъёстӥ каллен васьконо. Эн вунэтэ: йӧ вольыт, усьыны быгатӥськоды. Со сяна, пыд улэ вальыны пичи ковер басьтыны но мултэс уз луы;

— Зымемлэсь азьло нырысь ик киосты, пыдъёсты, чыртыез вуэн коттыны кулэ. Собере ини зымыны луэ;

— Вуын одӥг минутлэсь но тросгес улоно ӧвӧл;

— Вуысь потэм бере, бамкышетэн ӵушиськоно но шуныт дӥсяськоно. Пӧсь чай юиды ке, туж умой луоз.

Котькуд адями мед валасал: Йӧвылэсултон дыръя одно ик кезьыт люкмесын пыласьконо шуэм кыл ӧвӧл. Кин кызьы быгатэ — кин ке пылаське вуын, кин ке ымныръёссэ, мугорзэ гинэ коттэ. Татын номыр уродэз ӧвӧл. Эн вунэтэ: асьтэлэн тазалыкты асьтэлэн киосады.

Фото: Андрей Игнатьев