Хезмәт

«Соглаш луид ке, тыныд монэным ужаны тупалоз!» шуыса пумитам Дамир Габдрахмановлэн тодэ ваёнъёсысьтыз:

- 1976-тӥ арлэн август толэзез вал. Кык ар ветеринарной врач луыса ужам Фатых Сибгатуллинэз «Правда» колхозэ председателе юнматӥзы.

Со ас интыяз ветеринарияя институтэз горд дипломен йылпумъям Марат Ахметовез ӵектӥз. Лыктыса мед утёз, шуисько мон. Сое кызьы пумитаме сярысь Марат Готович мынам 60 аресъем юбилеям тани тазьы мадем вал: «Лыктӥ. Пыри. Бадӟым гинэ кабинет. Отысь бадӟым ӝӧк сьӧрын чиед гинэ воргорон пуке. «Пие, соглаш луид ке, тыныд монэным ужаны тупалоз. †укнаысен ӝытозь фермаын апара пушкын чылкыт ветлэмед потӥз ке, амбаре мын но халатэн боты гожтыса басьты. Одӥген гинэ уз тырмы, быдэн кыксэ басьты», - шуиз со мон шоры туж лек учкыса. Оло, соглаш луоно ӧвӧл, кошконо татысь шуыса малпай мон соку. Озьы но ужаса утьыны соглаш луи...»
Кылисько шуэмез бере, квартирае интыямы, «Урал» мотоцикл сётӥмы, толалтэ ачиз быръем валэн ветлыны ӵектӥмы. Каньылэн гинэ уже пыриськиз, пудо утисьёс но, специалистъёс но матын каризы. Ужан практикаез ӧз ке но луы, валтӥсь ветеринарной враче тодмоямы, берло ӧм жалялэ, ужамез кельшиз. Ужзэ яратыса, сюлмысен быдэсъяз. Со дыре ик усто организатор вал ини. Пудо утисьёслэсь куронъёссэс ялан милемлы вуттыса улӥз, соосты тышкаськид ке, ялан соослы дурбасьтэ, аслэсьтыз малпанъёссэ вуттэ вал.
Общественной ужъёсы активно пыриськылӥз. Усто мызганчи, усто кырӟась вал. Соин ик гуртысь егитъёс пӧлын гажамон адямилы пӧрмиз. Ми дорын валтӥсь бухгалтерлэн воштӥсез луыса ужам Миляуша нимо нылын семья кылдытӥз. Хасаншайхе мыныса сюанын юмшамы. Быгатонлыксэ, ужзэ синйылтыны быгатӥзы. Милям хозяйствомы азьмынӥсь хозяйство вал. 24 аресэн «Алга» колхозэ председателе тодмоязы. Мон но районэн кивалтӥсьёслы пумит ӧй луы. Районын та аресэн председательын Рим Зарипов (солы 23 арес вал) гинэ ужаз. Соос кыксы ик бадӟым кивалтӥсьёс луизы. Собере но ӵош ужаны тупаз. Мон район Советлэн председателез луыку Марат Готовичез КПСС-лэн райкомезлы кыкетӥ секретаре бырйизы. Райкомлэн нырысетӥ секретарез, районлэн главаез луыса ужакуз но юн кусып возимы, ӵошен ужамы. Ог-огмес валаса, кенешыса ужамы. Мон сое сюлмысен бадӟым юбилееныз ӟечкыласько, вутскем азинсконъёсызлы пумтэм шумпотӥсько, ужан сюрессэ монэмын кивалтоно коллективын кутскеменыз туж данъяськисько. Азьпалан но выль азинсконъёс, тазалык, семьяяз шудбур сӥзисько.

Реклама
Теги: 250
Нравится
Поделиться:
Реклама
Комментарии (0)
Осталось символов: