Хезмәт

Соосын данъяськиськом (фото)

2-тӥ декабре культурая центрын физической луонлыкъёссы сюбегам адямиос понна «Инвалидъёслэсь декадазэс» усьтон торжество луиз. «Мылкыдъёс сайкыт, сюлэмъёс шуныт луон понна» шуыса нимаськем концерт ӵектӥськиз.

Веранме районысь исполкомлэн кивалтӥсезлэн воштӥсезлэн Ильхам Гайнетдиновлэн выступлениысьтыз люкетэныз кутскеме потэ:
- Татын луонлыксы ӧжыт луыса но, пумтэм быгатонлыксы луэм юн мылкыдо адямиос пуко. Соос пӧлын спортсменъёс, творчествоез яратӥсьёс но вань. Тӥледлы синмаськытэк, тӥледын данъяськытэк нокызьы уг луы, тӥ асьтэлэн улонэныды мукетъёслы адӟем карымон луиськоды!
Бен, та малпанэн котькин кельшоз. Малы ке шуоно пуктэм ужпумзылы вутскыса, пӧртэм удысъёсын асьсэсыз трос пол эскерыса утем, асьсэос бӧрсьы мукетъёсты но валтыны быгатэм таӵе адямиослэн луэмзы гажамон но данъяськымон. Озьы ик районысь инвалидъёслэн организацизылэн кивалтӥсезлэн Рамазан Фарзиевлэн кылъёсыз но мур пуштросъемо.
- Арлы быдэ ортчытӥськись та декадаез праздник шуиськомы. Та татчы лыктыны быгатэмъёс понна зэмзэ но озьы, нош валес вылын кыллись инвалидъёсмы но вань - соосты но вунэтоно ӧй вал. Соос вуныса кылёнтэм понна югдурзэс тодыны, вераськыны, мылкыдзэс ӝутыны кулэ.
Та сӥё-дано ужрад туэ шумпотон мылкыдъёслы узыр луиз. Сцена вылэ потэмъёс пӧлысь Татарстанлэсь данзэ кыдёке тодмо карем, дуннеын авторитето нимъёс басьтыны вутскем спортсменъёсты но, асьсэлэсь шудзэс вордскем палъёсамы шедьтыса, семья кылдытыса, нылпиос будэтӥсь паръёсты но, луонлыкъёссы сюбегам нылкышноос пӧлын ортчытӥськем «Татарстанлэн марӟан быртыкез» конкурслэсь номинантъёссэ но адӟыны луиз. Республикаын нырысетӥзэ ортчытӥськем та конкурсэ Балтасьысь Зульфия Галиева, Тюнтерысь Алсу Шаймухамметова, Карелиноысь Чулпан Габделганиева пыриськыса, ушъямон интыос басьтыса бертӥзы. Соосты ӟечкыланы конкурсэз радъясьёс Гульназ но Гульнара Загретдиноваос, Гран-при басьтэм Таисия Козякова но лыктӥллям вал.
Озьы ик районысь калыклы юридической юрттэт сётӥсь Ципья гурт поселенилэн юристэз Раниль Гильванов, Кугунурысь Марс Саляхетдинов, туннэ нуналэ Москваын улӥсь, Европаын, дуннеын ортчытӥськем ӵошатсконъёсы пыриськыса тодмо луэм спортсменлэн Нурсина Галиевалэн Смаильын улӥсь анаез Нурия апай, активной улон нуись паръёс Соснаысь Фания но Гасим Хадиевъёс, Нуринерысь Зульфия но Руслам Сайдашевъёс, Кугунурысь Гульназ но Расил Гафиуллинъёс но кузьымъёсын пусйиськизы. Праздник ужрад районысь культурая центрын ужасьёсын дасям концерт программаен герӟаськыса мынӥз.
5 ар талэсь азьло физической луонлыкъёссы сюбегам адямиос понна саклык висъян таӵе вылӥын ӧй вал. Ини инвалидъёс асьсэос ик тыр улонэн улыны быгатэмзэс юнматыса, пуктэм ужпумъёссылы вутскыса, асьсэлэсь правозэс утё. Талы «Доступная среда» программалэн улонэ пыӵамез но умой влиять каре.

Без социаль челтәрләрдә: ИнстаграмИнстаграм ВКонтакте, ВКонтакте, ТикТок, Ютуб, Одноклассники, Телеграм, Фейсбук, Твиттер, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: