Хезмәт

Тагашурысь клуб выльысь ужаны кутскиз

Тагашурысь калык понна кемалась ӧвӧл бадӟым шумпотон луиз – соослэсь клубзэс выльдӥзы.

- Кемалась кулэ вал ини клуб. Концертъёсы, праздникъёсы, дискотекаосы потыны ёрмыса улӥзы тагашуръёс. Табере тани, шумпотыса верамон, клубмы выльысь ужаны кутскиз, - шуиз клублэн заведующиез Ирина Конькина. – «Труд» колхоз юрттӥз, кылем гужеме ремонт кариз – липетсэ обшивать кариз, пластик укноос тыриз.

 Декабрь толэзьысен кутскыса Иринапайлэн кужыменыз клубын пӧртэм ужрадъёс ортчиллям ини. Соос пӧлын Выль ар, Йӧвылэпотон кадь праздникъёс. Адями трос люкаськылэм, шумпотымон. Азьпалаз но гурт калык ужрадъёсы шумпотыса пыриськоз шуыса оскиськом.

Теги: клуб
Нравится
Поделиться:
Реклама
Комментарии (0)
Осталось символов: