Сарымсакны кыш буе саклауның 10 ышанычлы ысулы

Сарымсакны кыш буе саклауның 10 ышанычлы ысулы

1. Үреп саклау: сарымсакны сабагы белән җыеп алсагыз, аны үреп куегыз. Коры, караңгы һәм яхшы җилләтелә торган урында саклагыз. Бу — иң ышанычлы һәм борынгы ысулларның берсе.

2. Сеткада яки капрон оекта саклагыз: болай саклаганда, сарымсак яхшы җилли һәм череми. Сетканы яки оекны келәткә, базга яисә чоланга элеп куегыз.

3. Агач тартмаларда саклагыз: сарымсакны бер-ике кат итеп тезегез. Катлар арасына коры пычкы чүбе яки салам салып була.

4. Пыяла банкаларда саклагыз: яхшылап киптерелгән сарымсакны коры банкаларга тутырыгыз. Капкач белән томаламагыз, өстен марля белән генә капларга яки ачык калдырырга мөмкин.

5. Тоз белән саклагыз: савыт төбенә эре тоз салыгыз, өстенә сарымсак тезегез, аннары кабат тоз салыгыз.  Тоз артык дымны сеңдерә һәм күгәрүдән саклый.

6. Онда яки ярмада саклагыз: һәр баш сарымсакны он белән күмеп саклагыз.Савытны ябып, салкынча урында тотыгыз.

7. Суган кабыгы белән аралаштырып саклагыз: сарымсакны коры суган кабыгы белән аралаштырып саклагыз.  Ул дым үзгәрешләреннән саклый һәм саклану вакытын озайта.

8. Үсемлек маенда саклагыз: сарымсакны чистартып, банкага салыгыз һәм тулысынча үсемлек мае белән каплагыз. Сарымсак үзенең хуш исен саклый, ә май ризыклар өчен тәмле өстәмәгә әверелә.

9. Туңдырып саклагыз: чистартылган тешләрне бөтен килеш тә, ваклап турап та туңдырырга мөмкин. Пешергәндә куллану өчен бик уңайлы.

10. Киптереп саклагыз:  сарымсакны юка телемнәргә кисеп, киптергечтә яки духовкада 50–60 °C температурада киптерегез. Герметик савытта саклагыз, кирәк булса порошок итеп тартыгыз.

Файдалы киңәшләр

• Сакларга куйганчы, сарымсакны 10–14 көн яхшылап киптерегез.
• Саклар алдыннан юмагыз.
• Иң кулай саклау температурасы — 0...+4 °C яки +16...+20 °C, һава дымлылыгы 50–70 % булырга тиеш.
• Вакыт-вакыт карап торыгыз һәм бозыла башлаган башларны шунда ук алып куегыз.

чыганак

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.