Сәламәтлек саклау министры Альмир Рашит улы Абашев районыбызда эшлекле сәфәр белән

Визитның төп максаты – сәламәтлек саклау системасының торышын тикшерү һәм халыкка медицина ярдәменең сыйфатын арттыру мәсьәләләрен карау.

Район башлыгы Рамил Нотфуллин министр белән берлектә Балтач үзәк район хастаханәсенең баш табибы Рамил Рәфхәт улы Сәфәров озатуында хастаханәнең эше белән таныштылар.

Очрашу барышында табиблар һәм шәфкать туташларының эш шартларына, медицина ярдәмен күрсәтүнең сыйфатына, пациентлар өчен уңайлыкларны тәэмин итү дәрәҗәсенә, хастаханә бинасының техник халәтенә зур игътибар бирелде.