Хезмәт

Ихлас йөрәктән!

Иске Салавыч авылында яшәүче кадерле әтиебез, сөекле бабаебыз Мөхлис Хәбибуллинның 5 октябрьдә 90 яшьлек юбилее.

Кадерлебез! Сине күркәм бәйрәмең белән ихластан котлыйбыз. Гомер юлың якты өлге итеп алырлык, меңнәргә үрнәк булырлык якын кешебез. Әниебез белән безне - 7 баланы кадерләп үстереп, тормышта үз юлыбызны табарга булышканың, гаделлеккә өйрәткәнең өчен зур рәхмәт сиңа. Син безнең өчен һәрчак олы җанлы, киң күңелле кеше, таянычыбыз, ышанычыбыз, киңәшчебез. Син тормыш авырлыкларын җиңә килеп, балаларыңа, туганнарыңа сабырлык, изгелек, шәфкатьлелек үрнәге күрсәтеп яшисең.
Әти! Ата-ана һәм туган кадерен белергә өйрәткәнең өчен рәхмәт сиңа! Сиңа булган теләкл-әребезнең иң мөһиме - алдагы гомер елларында тормыш юлларыңны иминлектә, сау-сәламәт булып, бәхетле көннәрдә, шатлык белән үтәргә язсын. Киләчәктә дә балаларыңның, оныкларыңның, туганнарыңның игътибарын, игелеген тоеп, муллыкта гомер итүеңне телибез.

Реклама


Чәчләреңне, әти, чал басса да,
Күңелең көр, һаман яшь әле.
Җаның тыныч, тәнең таза булсын,
Кайгы-хәсрәт күрми яшә әле.

Безнең өчен күпме тырыштың син,
Уйладың син гомер эчендә.
Онытмабыз, әти, һичбер вакыт,
Рәхмәт сиңа барысы өчен дә.

Сиңа булган безнең хөрмәтебез
Урын алсын йөрәк түрендә.
Шатлык-куанычлар, ак бәхетләр
Юлдаш булсын гомер-гомергә.

Чын йөрәктән яздык бу юлларны
Кабул итеп алчы син бездән.
Гомер юлларыңны озынайтыйк
Ныклы ярдәм булып без сиңа.

Олы хөрмәт хисләре белән улларың, киленнәрең, кызларың, киявең, онык-оныкчыкларың.

Теги: 250
Нравится
Поделиться:
Реклама
Комментарии (0)
Осталось символов: