ӘЛФИНУР һәм МӘРВАН ГАРИФУЛЛИНнарның бергә гомер итүләренә 50 ел була

Әти-әниебез! Сезне истәлекле бәйрәмегез белән ихлас күңелдән котлыйбыз. Сез кавышкан көннән бирле күпме юллар үтелгән, күпме сулар кичелгән, күпме тормыш авырлыкларын сез зур сабырлык белән үткәргәнсез, безгә, 3 балагызга дөрес тәрбия биреп, аларны тормыш юлына чыгаргансыз. Без сезгә бик-бик рәхмәтле. Инде хәзер 9 оныгыгызның шат тавышларын, бәхетләрен, ата-ана тигезлегендә үсүләрен күреп, шатланырга язсын сезгә. Барыбызга да саулык, җан тынычлыгы белән әле тагын озак еллар бергә-бергә матур итеп яшәргә язсын иде.

Сез булганда безнең тормыш матур,
Һәркайсыбыз өчен зур терәк.
Булыгыз сез берүк исән генә,
Сез бит әле безгә бик кирәк.

Иң изге теләкләр белән балаларыгыз Илшат-Ризидә, Резеда-Айрат, Рәзилә-Айрат, 9 оныгыгыз, 1 оныкчыгыгыз, кода-кодагыйлар һәм барлык туганнар.