Балтач районының ике үзешчән балалар коллективы «Үрнәк үзешчән коллектив» исеменә лаек булды!

16-18 август көннәрендә Спас муниципаль районының Болгар дәүләт тарих-архитектура музей-тыюлыгы территориясендә үткән "Россиянең рухи бердәмлеге - дөньяга юллама! («Духовное единство России – послание миру!»)дип исемләнгән чарада үзешчән коллективлар концерт программаларын комиссия каршында тәкъдим иттеләр.

Районыбызның "Юлдаш" театр коллективына (Сәрдек авылы мәдәният йорты) һәм "Курай" халык уен кораллары ансамбленә (Арбор авыл мәдәният йорты) "Үрнәк үзешчән коллектив" исеме бирелде. 

Район тормышына кагылышлы иң мөһим яңалыкларны безнең Макс каналыннан да белә аласыз!