Ни өчен Татарстанда ковидка бәйле чикләүләрнең бөтенләй бетмәвен аңлатканнар

оспотребнадзорның Татарстан буенча идарәсе башлыгы Марина Патяшина ни өчен Татарстанда коронавируска бәйле чикләүләрнең алынып бетмәвен аңлаткан. Аның әйтүенчә, республикада яшәүчеләр март аенда COVID-19 белән февральдәгегә караганда 3 тапкыр кимрәк авырган. Әмма хәзер Татарстанда ковид йоктыручылар санының кабат берникадәр артуы күзәтелә.

– Шул сәбәпле чикләү чаралары, шул исәптән федераль норма – битлек режимы саклана. Өстәвенә хәзер Европа һәм Азия илләрендә яңа штамм – “омикрон-стелс” тиз таралган бер мәлдә, Россиядә, шул исәптән республикада чирнең яңадан бик нык көчәю ихтималы бар, — дигән ул.
Моңа кадәр галимнәр һәм табибларның, “омикрон-стелс” штаммы таралуга бәйле рәвештә, озакламый “яңа дулкын”ның китереп бәрәчәген фаразлаулары турында хәбәр ителде.

Чыганак: "Арча хәбәрләре"

Район тормышына кагылышлы иң мөһим яңалыкларны безнең Макс каналыннан да белә аласыз!