Җиңелү белмәс “Пегас”

Ильнур, 26 июнь 2014 - 09:18

2429

Күптән түгел Арча районының Тукай-Кырлай җирлегендә үткән мәртәбәле бәйгедә безнең "Татарстан" җәмгыятенең "Пегас" кушаматлы аты өченче урынны алды.

Рәсәй Авыл хуҗалыгы министрлыгының "Мелиорация" департаменты призына үткән бу бәйгенең үзенчәлеге шунда: атлар ерак дистанциядә узыша. Ә аның үз нормативлары. Шуңа күрә бу ярышта әлеге шартларны үти алырлык "иң-иң" дигән атлар гына катнаша.

Ел саен Сабантуйларда беренчелекне бирмәгән "Пегас"ны салавычлылар алдан-ала шушы ярышка хәзерләгәннәр, шунлыктан ул быелгы Сабантуйларда узышмаган.

"Арчада үткән бәйгедә кырык ат 32 километрга узышты, - дип сөйли хуҗалык зоотехнигы Илдар Фатыйхов. - Җайдагы Марсель Шәфигуллин булган "Пегас"ыбыз сынатмады, 75 мең сумлык призга лаек булды. Җиңүчеләрне Мәскәү кунаклары да, ТР премьер-министры урынбасары Марат Әхмәтов та котлады".

Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Твиттер, Яндекс.Дзен