"Республика көне" уңаеннан, Балтачыбызда ат чабышы үткәрелә

Ильнур, 28 август 2017 - 17:46

2601

«Сабантуй» паркы янындагы мәйданда "Республика көне" уңаеннан ат чабышы ярышлары уздырылачак. Әлеге ярышлар буенча тулырак мәгълүмат белән таныштырабыз.

"Республика көне" уңаеннан, Балтачыбызда ат чабышы үткәрелә

Бу ярыш 5 төрдә: чиста токымлы, ярымтокымлы айгырлар, бияләр һәм гарәп атлары арасында үткәреләчәк. Чабышкылар 1200 - 1800 метр аралыктагы дистанцияләрдә көч сынашачаклар.

Ярышка теркәлү вакыты 9.00 - 10.30 сәгатьләрдә, ә ярышларга старт 11.00дә биреләчәк.

Ярышларда катнашу өчен атның паспорты, нәселдәнлек (токымны ачыклаучы) таныклыгы, ветеринар күзәтү үтүе хакында белешмәсе булу шарт.

Һәр җайдакка кагылышлы таләпләр:
• саклагыч шлем (каска);
• паспорт копиясе һәм медицина тикшеренүе хакында белешмә;
• 14 яше тулмаган җайдакларның әти-әниләреннән алынган рөхсәт язуы булу кирәк.

Хөрмәтле райондашлар, Сезне бәйрәмгә чакырып калабыз!!! Рәхим итегез!!!

Следите за самым важным и интересным в Telegram-каналеТатмедиа

Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.