Яхшы уенчылар
Яшь хоккейчыларның А.Тарасов исемендәге «Алтын алка» клубы призына ачык хоккей мәйданчыкларында уйнаучы командалар арасында Болгар шәһәрендә узган ярышларда 1998-1999нчы елгы яшьләребез беренче булдылар.
Соснадан Фидан Габдрахмановка «Иң яхшы уенчы» призы тапшырылды. Киров өлкәсенең Вятка Аланы районы Урта Шөн авылында Социалистик Хезмәт Герое Т. Галиәхмәтов истәлегенә узган хоккей ярышларында Сосна мәктәбенең 1998-1999нчы елгы егетләр командасы (тренеры И.Гыйбадуллин) икенче урында калды. Команда уенчысы Фидан Габдрахманов әлеге ярышларның «Иң яхшы уенчы»сы булып танылды.
Зәй шәһәрендә Олимпия уеннары чемпионы Ф.Симашев истәлегенә оештырылган «Яшь динамочы» Бөтенроссия чаңгы ярышларында СССРның спорт остасы Рәлиф Әскәров җитәкчелегендәге 1995- 1996нчы елгы чаңгычыларыбыз Татарстанда - өченче, авыл районнары арасында - икенче, Россиядә җиденче урынны яулады.
Кукмарада республиканың Төньяк регионнары беренчелегенә узган ачык шахмат турнирында Балтач гимназиясеннән Илсаф Шакиров һәм Тимерхан Әкбәров, Балтач мәктәбеннән Гөлшан Сөләймановадан торган командабыз 2002-2004нче елгылар арасында өченче призлы урынны яулап кайтты. Тренерлары Ландыш Гарифуллина исә зурлар арасында икенче булды.
Фото интернет челтәреннән алынды.
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
