Җанга ялкын булып үрелә

Кунакларны Гарифҗан Мөхәммәтшин өендә кабул итте. Тәбрикләү тантанасында район башлыгы Рамил Нотфуллин  Гарифҗан Мөхәммәтшинга изге теләкләрен җиткереп, олуг рәхмәтен белдерде. «Туган көнегез, юбилеегыз белән чын күңелдән котлыйбыз, иң мөһиме, саулык-сәламәтлек телибез, – диде Рамил Рәшитович. – Аллаһы Тәгалә биргән гомерләрне матур итеп яшәргә язсын! Барысы, барысы өчен дә зур рәхмәт Сезгә! Бөтен тормыш юлыгыз, башкарган хезмәтләрегез районыбыз белән бәйле, әле дә булса районның күркәм яшәеше, бәрәкәтле киләчәге өчен армый-талмый хезмәттә Сез. Без Сезнең белән горурланабыз, барыр юлларыгызда гел бәхетләр генә телибез!»  Гарифҗан ага килгән барлык кунакларга да рәхмәтле булуын белдерде. Мәңге яшәгез, иҗат итегез, мөхтәрәм шагыйребез! Күңелегез өй тирәсендә үзегез үстергән гөлбакчадай ямьле, туган якның табигатенә дан җырлавыгыздай нурлы булсын.