Гыйбадуллиннарга кемнәр ярдәм иткән? (фото)

Гаилә елы һәм инвалидлар декадасы алдыннан Балтач районында азкеремле, инвалид бала тәрбияләүче Гыйбадуллиннар гаиләсенә хәйрия ярдәме күрсәтелде.

Торак йортны җылыту эшләре башкарылды, су кертелде һәм канализация үткәрелде. Су җылыта торган кран һәм кер юу өчен автомат машина куелды.

Хәйриячеләр Рамил Гарипов, Марат Минһаҗев, Булат Мөҗипов һәм Ренат  Әсхәтҗановка ярдәмнәре өчен зур рәхмәт белдерәбез. Олы йөрәкле егетләр ярдәме белән хәзер  Гыйбадуллиннарның тормышлары тагын да уңайлырак  булачак.