«Казандагы шәрык базары» ЮНЕСКО эгидасы астында узачак

«Россия — Көнчыгыш» халыкара милли мәдәниятләр фестивале(Казандагы Көнчыгыш базар) ЮНЕСКО эшләре буенча РФ комиссиясе химаясендә уза. Бу хакта фестивальнең генераль продюсеры Рифат Фәттахов исеменә комиссиянең җаваплы сәркатибе, Россия Тышкы эшләр министрлыгының күп яклы гуманитар хезмәттәшлек һәм мәдәни элемтәләр департаменты директоры Елена Галактионованың рәсми хатында әйтелә.

БМОның мәгариф, фән һәм мәдәният мәсьәләләре буенча милли комиссиясе инде өченче тапкыр фестивальне үз патронаты астына ала. Беренче тапкыр «Казандагы Көнчыгыш базар» 2024 елда шундый ярдәм алды. 2025 елда фестиваль янә халыкара мәдәни әһәмияткә ия вакыйга статусын ныгытты. 2026 елда әлеге статус расланды һәм фестиваль янә ЮНЕСКО эгидасы астында узачак.

Фестивальнең төп чаралары быел ноябрь аенда Казанда узачак. Фестиваль программасына, ачылу тантанасы һәм йомгаклау гала-концерты кебек традицион чаралардан тыш, халыкара фәнни конференция, яшь башкаручыларның халыкара конкурсы, «Кавказ һәм Көнчыгыш халыклары биюләре», «Гарәп мәдәнияте көне» шоулары, легендар коллективларның — Үзбәкстаннан «Ялла» төркеменең һәм Дагыстан Республикасының «Лезгинка» бию ансамбленең концертлары керәчәк.

Бизнес-онлайн