Өч айлык баласын үтерергә маташкан
Башкортстанда суд Уфа районында яшәүче 37 яшьлек хатынны хөкем итте. Ничә ел бирделәр?
Хатын үзенең кечкенә кызын үтерергә омтылуда һәм балигъ булмаган баланы тәрбияләү буенча бурычларын тиешенчә үтәмәүдә гаепле дип табылган.
Судта билгеләнүенчә, гаепләнүче 2024 елның октябреннән 2025 елның гыйнварына кадәр даими алкоголь кулланган һәм үзенең 3 айлык кызын тәрбияләү белән шөгыльләнмәгән. Моннан тыш, ул амораль тормыш рәвеше алып барган, җәнҗаллар оештырган, сабыйны бишенче кат тәрәзәсеннән ыргыту белән янаган.
2025 елның гыйнварында гаепләнүче мендәр алып, кечкенә кызының йөзен каплый. Бәхеткә, бу вакытта баланың әбисе кайткан, ул аңсыз хәлдә булган оныгына беренче медицина ярдәме күрсәткән.
Хатын үз гаебен таныган. Хәзерге вакытта бала әбисе тәрбиясендә.
Суд анага тугыз елга ирегеннән мәхрүм итү рәвешендәге җәза билгеләде.
Автор: Резеда Галикәева
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев