Татарстан Россиядә яз көне эшкә урнашу буенча иң перспективалы төбәк булды

Республика инде икенче ел Россия субъектлары арасында карьера потенциалы лидерлыгын саклап кала. Аналитиклар ачыклаганча hh.ru Татарстанның корпоратив җәлеп итүчәнлеге аркасында халык нәкъ менә туган төбәгендә үсүне өстен күрә, ә яңа эш өчен җирле кандидатларның 12 проценты гына күченергә әзер.

Татарстан, уртача хезмәт хакы 80 мең сум булганга, исемлектә тотрыклы рәвештә беренче урында кала, бу төбәкнең яшәү минимумыннан (16 мең сум) берничә мәртәбә артыграк. Аналитиклар билгеләп үткәнчә, хезмәт базарындагы уңай вәзгыятьне мәгълүмати технологияләр, финанс һәм төзелеш юнәлешләре үсеш алган диверсификацияләнгән икътисад хуплый. Моңа эшсезлекнең түбән дәрәҗәсе дә күрсәтә – нибары 1,7 процент.

Лидерлар өчлегендә шулай ук күрше Башкортстан һәм Амур өлкәсе дә бар иде. hh.ru директоры Мария Игнатова билгеләп үткәнчә,  тикшеренүләр буенча, Татарстанда тискәре динамика барыбер күзәтелә – башка төбәккә китәргә әзер булган кандидатлар саны биш процентка арткан, гәрчә гомуми дәрәҗә түбән булып кала бирсә дә.

Элегрәк аналитиклар Казанда уртача статистик эш эзләүченең нинди булуын ачыклаганнар. Республика башкаласында эшне еш кына 42 яшьлек хатын-кызлар эзли, аларның яртысына якыны югары белемле.

Вечерняя Казань