Түбән Камада бер елга планлаштырылган җылылык челтәрләренең 83%ын алыштырганнар

Түбән Камада искергән җылыту һәм кайнар су челтәрләрен алмаштыру дәвам итә. Быел планлаштырылган 56 км ның 46,5 км, ягъни 83% яңартылган инде. Торбаларны монтажлауны август ахырына кадәр төгәлләргә ниятлиләр. 

Программа кысаларында шулай ук 54 объектта челтәрләрне алыштыру, 21 үзәк җылылык пунктының фасадларын һәм башка технологик җиһазларны ремонтлау планлаштырылган. Эшләр башкару өчен 16 подряд оешмасы җәлеп ителгән.

Хәзер кайнар су белән тәэмин итүдән 246 йорт сүндерелгән. Август ахырына кадәр аларның барысында да диярлек тапшыруны яңартырга планлаштыралар. Ремонт эшләре тәмамланганнан соң территорияләрне төзекләндерәчәкләр.

Быел Түбән Кама торак-коммуналь хуҗалыгы объектларын яңартуга коммуналь инфраструктураны модернизацияләү программасы кысаларында 2,6 млрд сумга якын акча юнәлдерелгән. «Татэнерго»ның үз чыганакларын исәпкә алып, финанслауның гомуми күләме 3,7 млрд сум тәшкил итәчәк.

Өч җәйге ремонт сезонында, агымдагысын да кертеп, Түбән Камада 122,5 км җылылык челтәрен алыштырырга планлаштыралар — аларның гомуми озынлыгының 16,5% ка якыны.

Татар-информ