ЭРЕМЧЕК ПӘРӘМӘЧЕ

500 г (дөрес мин чама белән генә алдым) эремчек
1 ст. сөт (эчегәне дә ярый)
0,5 бал кашыгы тоз
2 аш кашыгы шикәр комы
3 йомырка
Он (мин дөге онын алдым).
1 аш кашыгы разрыхлитель (күперткеч)
0,5 бал кашыгы ванилин.

Йомырка, шикәр комын, ванилинны һәм тозны яхшылап болгатасы. Аннан сөт, эремчек кушасы. Ахырдан он һәм разрыхлитель салырга кирәк. Камыр массасы куе булырга тиеш. Аны кашыклап табага салгач, агып китмәслек булсын.

Противеньне майлыйсы (мин махсус пешерү кәгазен җәеп майладым). Шуңа аш кашыгы белән коймак салган төсле камырны салып чыгасын. Духовкада якынча 1 сәгатьләп пешә.

Өегездә эремчек ашалмаса, менә дигән тәмле һәм файдалы ризык.

Эльмира Гарипова