Итле шулпа өстенә җыелган өрене алып ташларга кирәкме?

Итле шулпа пешергәндә, өскә җыелган өрене алып ташлау кирәкме? Бу сорауга җавап «Челнинские известия» сайтында чыкты.

Иттә аксым бар, ул югары температурада оеша. Аш пешергәндә, аксымның бер өлеше суга бүленеп чыга һәм күбеккә әверелеп өскә күтәрелә. Шул өре дип атала.

Күбек кара төстә булса, иттә кан күп дигән сүз яки аны яхшылап юмаганнар. Ит майлырак булган саен, аның күбеге дә күбрәк була.

Оешкан аксым сәламәтлеккә зыян китерми, ләкин кыяфәте бер дә матур булмый.

Каннан ясалган кара күбекне алып ташлау хәерле. Әлбәттә, вак сөякләр җыелган күбекне дә алып ату кирәк. Итнең каян килгәнен тәгаен генә белмәсәгез, шулпа кайнап чыкканын көтеп торыгыз, аннары өресен алып ташламыйча гына тулысынча түгегез. Итне чиста суга салып пешереп бетерегез.

Әгәр күбекне җыярга өлгермәсәгез, ул инде тыгыз кисәкләргә әверелсә, шулпаны сөзегез.

Өресе күп чыкмасын өчен, итне кайнап торган суга салырга кирәк. Күбек чыга башлаганчы, туралмаган суган салыгыз, өреләр шуңа ябышып җыелыр, диелә хәбәрдә.

Чыганак: Интертат ; фото: https://pixabay.com