Карын итеннән төрелмә. (рулет из брюшины)

1,500 гр карын ите
2 аш к тоз
1әр ч к белән паприка, кара борыч
0.5 ч к кызыл борыч
2 баш сарымсак.

Карын итен юып, салфетка белән корыттым. Элпәле(плёнка) ягын аста калдырып, элпәсе киселмәслек итеп кисеп чыктым. Шулай ук иттөйгеч белән тапап(төеп) чыксагыз да була.
Ике ягында тоз белән ышкыдым.
Кисемнәренә, өстенә сарымсак сөрттем. Паприка, кара һәм кызыл борычны кушып болгаттым. Карын-ит өстенә сиптем, рулет итеп төреп җеп белән бәйләп пакетка тыктым һәм 24 сәгатькә суыткычка(холодильникка) куйдым.
Вакыт үткәч пакеттан алып махсус кыздыру пакетына(рукав для запекания) тыгып, башларын бәйләдем, пакетның өстен энә белән 8-10 җиреннән тишкәләп газ мичендә 3 сәгать кыздырдым.
Әзер булгач алып суытасы һәм телемнәргә кисеп табынга бирәсе.
Бу рулет салкын кабымлык буларак бирелә, ләкин теләгән кеше кайнар килеш тә куллана ала.
Тәмле булсын!
Бәрәкәтле ризыклар булсын дусларым!

Автор: Кадрия Ишмурзина.

Фото: Кадрия Ишмурзина.

Чыганак: https://vk.com/public99651353?w=wall-99651353_7900