Каз тозалау (рецепт)

3-4 килограммлы 1 казга 1 кап (бер килограммлы) тозны алып, уч белән ала-ала, эченә тутырасы. Канат асты, бот кырыйларын тиресен ачып җибәрәсе пычак белән, шул кисемнәргә дә тоз тутырасы, ышкыйсы. Казның тышкы ягын да, эчен дә яхшылап ышкырга тоз белән. Аннан чиста натураль тукымага (ак яулык мәсәлән) тоз җәеп, шунда казны яткырып, тыгызлап төрәсең. Тозны жәлләмәгез, артык тозны каз беркайчан да сеңдерми. Шушы төргән чүпрәк өстеннән пищевая бумага белән, аның өстеннән тыгыз итеп пакет белән төрәсе, биленнән бәйлисе. Шул рәвештә каз салкынча урында тора, тәүлек саен ягын әйләндереп торасы. 10 көн шулай әйләндергәләгәч, каз шушы рәвештә мартларга чаклы тора. Язга чыккач, пакет, чүпрәкләрен ачып, казны аягындагы бавыннан салкынча җиргә элеп куясы. Бу вакытта ул тиешле тозны сеңдергән була инде. Кояш мулдан карый башлагач, көндезләрен урамга чыгарып эләсе, кич алып керәсе. Эсседә мае «сызылып» эри башлый. Кояшта чакта да ягын әйләндергәләп торасы була. Мае сызып беткәч, алтынсу төскә керә башлый, бу казның тәмам өлгергәнлек билгесе булып санала. Кисәргә 1-2 көн кала салкын су белән эчен һәм тышын яхшылап юып, тагын һавада элеп тотасы була. Әнә шулай тозланган каз табынга килеп үз урынын ала!

Чыганак: https://vk.com/public212339245?w=wall14072400_8571