Кичке табынга – кош оясы

Кичке ашка нәрсә пешерергә дип йөрисезме? Бер рецепт тәкъдим итим әле. 
Кибетләрдә кош оясы сыман токмач күргәнегез бардыр инде. Менә шул токмач һәм фарштан кичке табынга тәмле ризык пешерергә була. 

Кош оясы формасындагы токмачларны табага тезеп, һәрберсенең уртасына алдан әзерләнгән фарш салып чыгыгыз.
Аннары токмачлар яртылаш күмелерлек итеп су яки шулпа өстәгез һәм пешерергә куегыз (шулпага тоз өстәмәсәгез дә була, ә менә суда пешергәндә тоз кирәк).
Суы кайнап чыккач, утны киметегез. Сыеклык парга әйләнеп бетәргә тиеш.
Әзер булуга 5-10 минут кала өстенә сыр уып салыгыз.
Табынга биргәндә туралган укроп та сибәргә мөмкин. Матур да, тәмле дә булачак!

Чыганак