Лилия Әскаровадан гөбәдия рецепты

Зур табада пешерәм.1 гөбәдия өчен 1 стакан дөгене кат кат юып, бүрттереп алыгыз.

1 стакан йөземне дә яхшылап юып эәерләгез. 3 йомырканы да пешереп, эре угычтан уып куегыз. Кортны үзем әзерләгән идем, ул минем аертмаган сөттән иде. Эче кызыл эремчек яисә корт булса, песок, ак май салып эәерләп куегыз.

Камыр песочный, ләкин мин аңа бераз чүпрә кушам. Башта 200 гр җылымса су салынган стаканга 1 чәй калагы коры чүпрә, 1 чәй калагы песок салып кабартырга куябыз. Аерым савытка бүлмә температурасындагы 200 гр ак майны саласыз, 1 йомырка сытасыз, шуларга он чама белән, 2 аш калагы песок, ярты аш кашыгы тоз салып валчык (крошка) ясыйбыз. Аннары чүпрәле суны салып камырны ясап бетерәбез, онны чамалагыз. Камыр үзләнеп торырга тиеш. 10 мин буе басарга кирәк камырны. Озак баскан саен камыр яхшыра. Камыр әзер булгач, пакетка салып холодильникка 10 мин калдырырга.

Ул арада 1 аш кашыгы сыек майга 1 чәй калагы песок һәм он салып пирог өстенә сибәргә крошка ясыйбыз.

Камыр 10 мин торгач, алып җәябез һәмм гөбәдия ясыйбыз.

Иң беренче слой итеп мин камыр өстенә бераз дөге сибәм, аннары кортны (кызыл эремчекне) җәям, песок сибеп җибәрәбез.

Икенче слойга дөге белән йөземне бутап җәябез һәм уч белән песок сибәбез, 10 аш калагы ак май салабыз. Мин чеметеп кенә ванилин сибәм. Яратмасагыз, салмагыз. Аның өстенә 3 йомырка салабыз, һәм тагын 10 кашык май салып, өстенә камыр җәеп, гөбәдияне ясап бетерәбез. Валчык сибеп, 180 гр мичтә 40 мин пешерәбез.