Лилия Әскаровадан камамбер сыры белән бик тәмле ризык

Табага пергамент кәгазе җәябез. Уртасына камамбер сырын урнаштырабыз, пычак белән кискәләп, арасына сарымсакны пластинкалап кисеп, шул ярыкларга тыгабыз (2 тырнак сарымсак). Помидор черрины юып, сыр янына урнаштырабыз. Аннары батонны кисеп, шулай ук табага тезәбез.

Өстеннән сыек май агызабыз, үзегез яраткан приправалар сибеп җибәрәбез.

Аннары 200 градустагы духовкага 15 минутка куябыз. Бик тәмле була. Сыр эреп китә, кызган батон кисәкләрен сырга манчып, йомшап изрәгән помидорларны да сылап, кайнар килеш тә, салкын килеш тә ашавы тәмле.