Өйдә ясалган зефир

100 граммга бары тик 80 кккал гына туры килә. Аны ясавы да җиңел һәм ул сезнең фигурагызга зыян салмаячак.

 Кирәк булачак: 1 л кефир, ¾ стакан майлы булмаган каймак, 1 стакан шикәр комы, 2 аш кашыгы желатин, ½ пакет ванильле шикәр.

 Беренче эш итеп желатинны 30-40 минут җылы суда җебетегез. Аннан соң акрын гына утка куеп, бутап торып, кайнатып чыгарыгыз. Кайнау кергәч уттан алып, бүлмә температурасына кадәр суытырга кирәк.

 Кефир, каймак һәм ванильле шикәрне бергә кушып, миксер белән 5-6 минут болгатабыз. Шул катнашмага аз-азлап кына желатинны кушабыз һәм 4-5 минут тагын миксер белән бутыйбыз.

 Килеп чыккан массаны формаларга салып, 3-6 сәгатькә суыткычка куябыз. Десерт әзер булгач аны порцияләргә бүлергә. Пычак урынына печенье өчен кулланыла торган формаларны кулланырга була.

Чыганак