ПАСТА

Гадәттә, шампиньон гөмбәсен кулланам. Гөмбә янына тавыкның ак итен салсагыз, тагын да тәмлерәк булачак.
1 зур суганны вак итеп турап, кыздырырга (мин ат маенда кыздырам). Аннан 250 г гөмбәне турап салырга һәм суы беткәнче кыздырырга. Пастаны сөт белән пешерүчеләр дә бар, әмма мин сөт өстен (сливки) яратам, 10 %лысы таман булачак. Сөт өстен салыр алдыннан 1-2 аш кашыгы “Магги для жульена” салып туглыйм. Аннан кызган гөмбә өстенә агызам, 1-2 тырнак сарымсак сытам, тәменчә тоз, борыч сибәм. Шулай 5 минут талгын утта пешә, соус куера.
Спагеттины тозлы суда пешереп, гөмбәле соус белән бутарга. Өстенә 100-150 г сыр уып, сүрән утта 4-5 минут тотарга һәм сүндерергә. 

Чыганак