Рафилә Шәмсетдиновадан итле запеканка

Итле запеканка өчен кирәк була:

 500 г. иттарткычтан чыгарылган ит, 1кило чамасы бәрәңге, 3 зур баш суган, 200 г. шампиньон гөмбәсе (аны салмасаң да була), 1йомырка, сыр. 

Әзерләү тәртибе: Бәрәңгене әрчеп, тозлы суда пешереп алабыз һәм үз суында төябез, бик сыек булмасын. Суганның ваклап турыйбыз яртысын ит белән кыздырып алабыз, ә калган яртысын туралган гөмбә белән кыздырып алабыз. Гөмбәле суганны бәрәңгегә кушып болгатабыз.

Запеканканы «җыя» башлыйбыз. Аска — бәрәңгенең яртысын тыгызлабрак, аннан итне, аннары тагын бәрәңге җәябез. Араларына үзегез теләгәнчә тоз сибәргә дә онытмагыз. Запеканканың өстенә яхшылап тугланган йомырка сыларга һәм сыр уарга, сырның күләме үзегез теләгәнчә, күбрәк булса, әлбәттә тәмлерәк инде. 

180 градуслы газ мичендә якынча 30-40 минут пешә. Табынга яшеллек белән бирелә! Тәмле булсын, дусларым!