Рафиләдән сыр рецепты

Сырны ясау өчен сөт, каймак (сметана), йомырка һәм тоз гына кирәк булачак!

1литр сөтне плитага кайнатырга куябыз, шул арада ярты литр кибет сметанын (15-20%) 2йомырка сытып, тәменчә тоз өстәп болгатабыз. Шулай ук, үзегез яраткан тәмләткечләр дә өстәргә була. Сөт күпереп менә башлауга, каймаклы массаны шуңа агызабыз һәм кайнап чыккач, сүрән генә утта тагын 7-8 мин. тотабыз. Болгаткалап торабыз. Эремчекләнгән массаны ике кат марля һәм дуршлаг аша сыгабыз. Шуннан соң, марлядагы массаны кысып, йомрырак итеп формалаштырып, тыгызлап шул марля белән төрәбез һәм өстенә пресс куябыз (авыр әйбер). 3-4 сәгатьтән әзер була.

Тәмле булсын, дуслар! 

Рафилә Шәмсетдинова