Сәхәргә туклыклы ризык

Кичке сәгать алтыларда бер бокалга ике аш кашыгы карабодай ярмасын юып, өстенә кефир салырга. Тоз да, шикәр комы да кирәкми!

Мин үзем бер кашык кара бодай, бер кашык «5 злаков» ярмасына бокал тулганчы ряженкага салам, 5-6 бөртек йөзем җимеше өстим. Үтеп-китеп йөргәндә болгаткалап китәм. Өстен ябып өстәлдә калдырам. Ул иртә беләнгә бүртә, бик тәмле, файдалы, туклыклы ризык була.

Сәхәрдә шушы туклыклы ризыкны бер-ике телем сыр, берничә данә чикләвек белән ашап куям да, җиләкле-җимешле чәй эчеп, дога кылам.

❗❗❗Мин диетолог түгел, бәлки миңа килешкән сезгә килешмәс. Тик шулай да нияте булган кеше, файдаланып караса, була дип уйлыйм.
Сезгә дә файдалы булса мин бик шат булыр идем, дуслар!

Автор: Сания Зиятдинова