Шоколадлы печенье️

Кирәк булачак:
120 грамм он
1 йомырка
100 грамм шикәр комы
60 грамм сыек май
30 грамм какао
1 чәй кашыгы камыр көпшәкләндергеч
кашык очында сода
ванилин
бер чеметем тоз.

Эш барышы:
Он, камыр көпшәкләндергеч, сода, какаоны бер савытка илибез һәм болгатабыз.
Йомырканы тоз, шикәр комы белән күпертәбез һәм сыек майны салып болгатабыз.
Ванилин да кушып җибәрергә була.
Барысын бергә берләштерәбез дә кечкенә түгәрәкләр ясап, табага тезәбез.
180 градуста 20-25 минут пешә. Пешү белән йомшак була, әзрәк торгач, кетердәп тора башлый.

Чыганак