Телеңне йотарлык кыстыбый

Автор, 23 гыйнвар 2021 - 11:11

4275

Мин күп очракта төелгән бәрәңге белән ясыйм, шулай ук тары боткасын кыстырып та төрләндергән бар, ике очракта да бик тәмле килеп чыга...

Камыр өчен 1 стакан кибет каймагы, чеметеп кенә тоз һәм он кирәк. Барын бергә болгатып камыр ясаганнан соң берникадәр вакыт ял иттерәм. Аннан юка итеп җәеп, түгәрәк форма (гадәттә 12-14 см диаметрлы) яисә махсус кискеч ярдәмендә кисеп, ике ягын да коры, кызган табада пешереп алам.

Эчлекне алдан әзерләп куйсаң тагын да әйбәт. Моның өчен пешкән бәрәңгене кайнар сөт һәм атланмай белән төеп, шуңа вак итеп туралган суганны кыздырып саласы, тәменчә тоз, бераз гына шикәр комы, төелгән кара борыч өстисең. Әзер җәемнәргә эчлекне салып, ике ягын да эретелгән атланмай белән майлап, табынга чыгарасың. Ашларыгыз тәмле булсын!

Автор Рамилә Закирова

Чыганак:https://vk.com/tatarshlari?w=wall-107801917_74394

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia

Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.