Умачлы ашы пешерү ысулы

Кирәк булачак: шулпа пешерү өчен сөякле ит, бәрәңге, кишер, бер йомырка, бераз тоз, он һәм яшел тәмләткеч.

Гадәттәгечә шулпа кайнатабыз. Аннан соң умач ясыйбыз. Моның өчен тәлинкәгә бер йомырка сытабыз, бераз тоз сибеп, чәнечке белән болгатабыз. Он салабыз. Он күп булырга тиеш. Аннары аны кул белән уып, валчыклар ясыйбыз. Умачны иләк аша үткәреп, артык онын коеп төшерәбез.

Шулпага бәрәңге, кишер өстибез. Пешеп чыккач, умачны салабыз. Болгатабыз һәм кайнап чыккач, сүндереп куябыз.

Чыганак: "Арча хәбәрләре"