Авыл хуҗалыгы һәм азык-төлек министрлыгында агросәнәгать комплексының яшь хезмәткәрләре арасында «Һөнәре буенча иң яхшы» һөнәри осталык конкурсында җиңүчеләрне бүләкләделәр

Татарстан Республикасы Авыл хуҗалыгы һәм азык-төлек министрлыгында агросәнәгать комплексының яшь хезмәткәрләре арасында «Һөнәре буенча иң яхшы» XIIl һөнәри осталык конкурсында җиңүчеләрне бүләкләү тантанасы узды.

Иң-иңнәр арасында үз эшләренең осталары булган безнең район яшьләре дә бар.

Иң яхшыларны берничә номинациядә билгеләделәр.

«Иң яхшы агроном» номинациясендә «Татарстан» хуҗалыгыннан Фирдүс Хакимов — 2 урын, «Машина белән иң яхшы сыер саву операторы» номинациясендә «Труд» җәмгыятеннән Антон Никитин — 3 урын, «Иң яхшы ветеринар» «Татарстан» хуҗалыгыннан — Азат Зарипов — 2 урын, «Иң яхшы инженер-механик» номинациясендә «Активист» хуҗалыгыннан Руслан Константинов — 3 урын, «Татарстан» хуҗалыгыннан Илназ Әхмәдиев — 2 урын, "Иң яхшы бухгалтер-икътисадчы" номинациясендә «Борнак» җәмгыятеннән Искәндәр Фазлыев — 1 урын,

«Терлек үрчетү буенча иң яхшы технолог» номинациясендә «Борбаш» җәмгыятеннән Илдар Тимербаев — 1 урын,

«Иң яхшы механизатор» номинациясендә «Активист» җәмгыятеннән Андрей Колесников — 3 урын, Тимирязев исемендәге җәмгыятьтән Нурсиль Сабиров — 1 урын яулады.

Барча җиңүчеләрне ихластан котлыйбыз!