Балтачның баш инженерлары Арборда очрашты (+фото)

"Арбор" күмәк хуҗалыгында  хуҗалыкларның баш инженерлары катнашында семинар узды. Биредә машина-трактор паркларын кышкы саклауга һәм махсус ремонтка әзерләү буенча конкурска нәтиҗә ясалды.

Семинар эшендә Татарстан Республикасы Авыл хуҗалыгы һәм азык-төлек министры урынбасары Рафаэль Мәхмүт улы Фәттахов катнашты, машина-тракторларны кышкы саклауга һәм ремонтка кую эшләре белән танышты, хезмәт таләпләренә туры килү-килмәвен тикшерде. 

Бүгенге көндә районның барлык хуҗалыкларында да агрегатлар сакланышка куелган, тиешле таләпләр үтәлгән.