Анай-атайёс эшъясько ке, нылпиос но эшлыко улозы (+фото)
Кылем арын анай-атай комитетъёслэн нырысетӥ фестивальзы азинлыко ортчем вал. Нош туэез эшшо но тунсыкогес, пуштросъем луэменыз висъяськиз.
«Эшлыко класслэн секретъёсыз» республиканской конкурс ТР-ысь Дышетонъя но наукая министерстволэн кичӧлтэмезъя отчытӥське. Асьме ёросысь дышетонъя управление но, та ужрадэз умоен лыдъяса, ини кыкетӥ арзэ районысь тужгес эшлыко классэз шарая.
Кылем арняе пӧртэм зонаосын ортчиз та вожвылъяськон. Ёросысьтымы школаосысь анай-атайёслэн комитетъёссы тужгес эшлыко класслэсь нимзэ нуллон понна ӵошатскизы, асьсэ быгатонлыкъёссэс, устолыксэс возьматӥзы, жюриез асьсэ чебер программаосынызы паймытӥзы. Анай-атайёс пиналъёсты визьнодан секретъёсынызы вошъяськизы, шуыны кулэ. Соос киужъёсын адӟытон радъязы, проект но одӥг кыӵе ке визьнодан ӧръя видеоролик ӵектӥзы, визитной карточка но туспуктэмъёсын альбом дасязы. Ваньмыз та ӵош ужаны быгатэмлэн «емышез», анай-атайёслэн, нылпиослэн но классэн кивалтӥсьёслэн огъя тыршемзылэн бервылыз.
Та конкурслэн 22 шуркынмонэ Сосна культура юртын ортчем зональной этапаз мыным аслым но пыриськыны тупаз. 6-тӥ классын дышетскись пиналъёслэн анай-атайёссы луыса, ми Покчи Лӧзя школалэсь данзэ утимы. Туж шумпотымон, тыршемъёсмы юнме ӧз луэ – милям командамы «Оригинальность» номинациын пусйиськиз.
Ольга Плотникова
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев