Даурозь дас ар гинэ кылемын
Ӟаны гуртысь Николай Михайлович Кунаев 90 аресъем юбилейзэ пусйиз.
Быдэс улонзэ но ужан сюрессэ гуртлы, гурт удыслы сӥзем юбилярез дано арлыдэныз ӟечкыланы вуылӥзы «Дуслык» возёслэн кивалтӥсез Николай Колоколов но Шор Кушкет гурт поселенилэн главаез Юрий Перфилов. Юбилярлэн тазалыкез юн лябӟемын ини: йырыз сураськемын, вераськемзэ но валаны уг луы – но озьы ке но, со туж шумпотэ куноослы. Тани туннэ но со котькуд пырем муртэ пальпотыса пумитаз.
Ӟеч сӥзёнъёссэс но мылкыд каронъёссэс вераса, кивалтӥсьёс Николай Михайловичлы кузьымъёссэс но таукарон гожтэтъёсты – Балтась ёрослэн главаезлэсь Рамиль Нутфуллинлэсь но Татарстан Элькунысь Премьер-министрлэсь, гурт возёсъя но сиён-юонъя министрлэсь Марат Зяббаровлэсь таукарон гожтэтъёссэ – сётӥзы.
Шумпотымон, та дано арлыдзэ пумитакуз, туннэ Николай Михайловичен артэ вал солэн нылпиосыз, внукъёсыз, кенэз, выныз кузпалэныз но племянникъёсыз. Ваньзы соос одӥг ужпумен люкаськизы: юбилярлы шудо минутъёс кузьман понна.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев