Покчи Лӧзя шоръёзо огъядышетон школа выль дышетскон арез выль кивалтӥсен пумита. Хакимов Нияз Филсурович школалэн выль директорез луиз.
Праздникен ӟечкыласа, со вань нылпиослы, дышетӥсьёслы но анай-атайёслы шуныт кылъёссэ вераз. Озьы ик тодон-валан нуналэз пусъёнэ пыриськизы ёросысь исполнительной комитетлэн кивалтӥсезлэн нырысетӥ кивоштӥсез Ильшат Солтанович Галимуллин но Покчи Лӧзя гурт поселенилэн кивалтӥсез Сергей Анатольевич Мухин. Соос но асьсэлэсь ӟеч сӥзёнъёссэс вуттӥзы. "Сурнай" возёсысь представитель но вуылӥз, ӟечкылаз, гужем шутэтскон дыръя ужам пиналъёсты шумпоттӥcь кузьымен пусйиз.
Туэ Покчи Лӧзя шоръёзо огъядышетон школае нырысетӥ классэ 12 нылпи лыктӥз.
Фото: автор
Нет комментариев