Эльбрус сярысь тунсыко фактъёс

1. Эльбрус – со изись, но ужась тылгурезь, кудӥз аслэсьтыз кужымзэ берпуметӥзэ 900 ар талэсь азьло возьматӥз.

2. Вашкала грек преданиосъя, Эльбрусэ ик лыктылӥз ӧрӟи, Инмаръёслэсь тылзэ басьтэм но калыклы сётэм Прометейлэсь муссэ кокчаны.

3. Эльбруслэн самой вылӥ точкаяз но сотовой связен интернет вань. 2018 арлэн толсураз МТС татчы аслэсьтыз точказэ пуктӥз.

Соин, гурезьлэсь чеберзэ шонерак матысьёстылы но эшъёстылы возьматыны быгатоды

4. Нырысьсэ Эльбруслэсь ӝуждалазэ 1813-тӥ арын мертазы. Со луиз ӟуч академик Викентий Вишневский. Солэн лыдъямезъя, гурезь 5648 метр. Зэмос лыдпуслэсь 6 метрлы гинэ янгышамын.

5. Вашкала мадёнъёсъя, Приэльбрусьеын Шамбалае – мифической «шумпотон дуннее» – сюрес ватэмын. Сое Гитлер но шедьтыны тыршем. Валамон ни, сое туннэ нуналозь но нокин шедьтымтэ на.

6. Эльбрусын вань плато (800 метр пала кыстӥське), кудӥз Кыкетӥ Мировой война вакытэ немец самолётъёс понна аэродром луэм.

7. Эльбрус – одӥгез самой кышкытэз гурезь луэ. Толалтэ гурезе тубыны кулымон кышкыт. Соин группаос ӵемгес пӧсьтолэзе яке гудырикошконэ люкасько.

Туспуктэм: Р.Кушаев