Ёросысь анайёс «Мать-героиня - 2023» гадьпусэн пусйисько
21-тӥ шуркынмонэ Москваын «Союз Женских Сил» мерлыко нылкышно огазеяськонлэн «Мать-героиня - 2023» вожвылъяськоназ вормем анайёсты сӥлы каризы. Сӥё-дано ужрадэ пыриськем вань анайёс «Мать-героиня» гадьпус но синпель кузьымъёсты басьтӥзы.
Шумпотыса но данъяськыса вераны быгатӥськом, "Мать-героиня- 2023" мерлыко данъетэн асьме ёросысь но куинь гажамон анайёс пусйисько шуыса.
Озьы, Вуж Кушкет гуртысь Вера Петровна Исаева, Герой пи будэтэм анай луыса, "Союз Женских Сил" огазеяськонлэн "Мать Героя" гадпусэныз данъяське, нош Бадӟым Лӧзя 1 люкет гуртысь вить нылпилэсь анайзэ Анна Викторовна Филиповаез но Карадуван гуртысь куать нылпилэсь анайзэ Фирая Муллазиевна Зиятдиноваез II-тӥ степенё "Мать-героиня" гадьпусэн сӥлы каро.
Сюлмысь ӟечкыласьком но данъяськиськом, асьме ёросамы сыӵе анайёс вань шуыса. Жаляса верано, Вера Петровна Москваын ортчем сӥё-дано ужрадэ пыриськыны ӧз быгаты, нош Анна Викторовна но Фирая Муллазиевна, шаермылэн шоркараз мыныса, сӥлы каронлэсь шӧмзэ асьсэос веръяны быгатӥзы.
Кызьы ивортэ "Союз Женских Сил" огазеяськонлэн официальной сайтэз, конкурсэ огъя вить номинация 38 улосвылысь 426 заявка вуэм но, жюрилэн кык арня ӵоже ужамезлэн бервылыз луыса, соос пӧлысь быръемын луэм 93 номинантъёс.
Озьыен, та эшшо огпол юнматэ вожвылъяськонлэсь вылӥ уровеньын но туж йӧно ортчемзэ, соин валче аспалъёсмылэсь туж адӟем карымон луэмзэс но.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев