8 гудырикошконэ (августэ), вторник нуналэ, районамы бадӟым праздник - «Спортсменъёслэн, физкультурникъёслэн нуналзы» ортчоз.
Районмылэн улонэз ӵошатсконъёсын, турлы ужрадъёсын, спортивной фестивальёсын, организациос но учреждениос пӧлын ортчытэм спартакиадаосын герӟаськыса мынэ. Спортлы арысь аре саклык уногес висъяське, таза улон сямез пропагандировать карон понна но районысь спортивной отдел пӧртэм ужрадъёс ортчытэ.
Балтасямы спортэз будэтонэ пыртэм люкетсы понна 8 гудырикошконэ Балтасьысь шутэтскон паркын 19.00 часэн праздник ортчытӥськоз.
Программаын ӵыдонтэм шудонъёс, эктон-кырӟанъёс, ӟырдыт музыка луоз шуыса витиське. Сцена вылэ асьмелэн улосчиосмы но, популярной эстрадной артистъёс но потозы. Нош праздниклэн бадӟым кузьымез секрет луыса мед кылёз, созэ шутэтскон парке лыктыса адӟоды!
Гажаса витиськом!!!
Нет комментариев