Гурт поселениослэсь ужзэс дунъян

Котькуд поселениын нуиськись трос пӧртэм ужъёслы анализ лэсьтыса, район Советысен, исполкомысен сётэм даннойёсъя гурт поселениослэн интыоссы тодмостӥськизы:

1. Карадуван

2. Кугунур

3. Шубан

4. Ѓаны

5. Сосна

6. Шишинер

7. Салаусь

8. Балтась

9. Янгул

10. Нурма

11. Бурбаш

12. Пижмара

13. Ципья

14. Покчи Лӧзя

15. Бурнак

16. Смаиль

17. Нуринер

18. Вылын Субаш

Кутэм положениея 1-тӥ, 2-тӥ, 3-тӥ интыосты басьтэм поселениослы район бюджетысь грантъёс сётӥськозы: Карадуван гурт поселенилы - 80 сюрс манет, Кугунур но Шубан гурт поселениослы - 50 но 30 сюрс манет.

Грант суммалэсь 30 процентсэ интыысь аскивалтон органъёсын ужасьёслы премия сётон понна кутыны луэ, кылемез поселенилэн азинтӥськонэзлы кутӥськыны кулэ.

Гурт поселениос пӧлын йылпумъянъёс туж кулэ луись показательёсты ӵошатыса тодмостӥськизы. Нырысетӥ показатель карыса вордскем пиналъёслэсь лыдзэс басьтӥзы. Та ласянь Покчи Лӧзя, Ѓаны, Балтась поселениос нырысетӥ мыно (соослэн 2013-тӥ арын 25-ысен кутскыса 149-озь нылпи вордске), нош Субаш, Пижмара но Бурнак поселениосын вордскем нылпиослэн лыдзы туж ӧжыт (2013-тӥ арын Субаш поселениын - 8, Пижмараын - 7, нош Бурнак поселениын ваньзэ-ӧвӧлзэ 5 нылпи гинэ вордске).

Асьсэ дорын люкаськем доходзэс поселенилэн огъя бюджетэзлэн быдӟалаеныз ӵошатоно ке, Сосна, Нурма поселениосын но Балтась посёлокын со бадӟым. Берпуметӥ интыосын мынӥсь Смаиль, Шубан но Шишинер гурт поселениосын та ужпумъя трос тыршыны кулэ. Интыысь бюджетэ асьсэ доходъёссэс люканъя но ныпъетэз огкадь уг ӝуто. Ѓаны, Смаиль, Покчи Лӧзя гурт поселениос азьпалан луизы ке, Вылын Субаш, Шубан, Нурма поселениослы юн тыршыны кулэ на. Асьсэ территориязы калыклэсь улон условиоссэ умоятон но тужгес кулэ луись показателен лыдъяське. Шубан, Нуринер, Салаусь поселениосын та удысын уж ярамон. Шишинер, Вылын Субаш, Смаиль гурт поселениосын али трос тыршоно. Гуртъёсын калыклэн ӧжыт яке трос пудо вордэмез но поселенилэн та удысын ужаменыз герӟаське. Та ласянь Карадуван, Кугунур но Шубан гурт поселениос азьпалан мыно. Балтась но Покчи Лӧзя поселение берегес кылё.