«Гырон быдтон» праздникен!

Гажано но дуно эшъёсы! Ӟечкыласько «Гырон быдтон» праздникен, сӥзисько капчи мылкыд, тазалык! «Гырон быдтон» праздник — со нянез, нянь будэтӥсез данъян праздник.

Праздниклы сӥзьыса, ваньдылы — «Гырон быдтонэн, гажано эшъёс!» акрокылбур.

Гурлазы-кырӟазы тракторъёс бусыын,
Ырак тӧл пельтылӥз, шупатӥз музъемез. 
Радысь-рад тыр тысен кизем луд вожектӥз,
Огвадес бусымы кузь шепен ӵужектоз,
Нянь вуоз ӝӧк вылэ, шумпоттоз калыкез.
Быг-быг нянь асьмелы выль кужым кузьмалоз.
Ыбылэм куараос гинэ мед бырозы:
Данлыко пиосмы нош ужзэс мытозы:
Туж мӧзмо бусыос юн, батыр пиослэсь,
О, Инмар ӟечлыкен мед таза бертозы!
Няньлэсь мА бен луоз дуноез, ческытэз!
Эх, эшшо дуногес ук няньмес будэтӥсь! 
«Нянь ке вань, кыз улын но шулдыр но шуныт»
(Шат юнме кылдэмын та визьмо визькылмы)
Гуразьысь пӧраськем ческыт зын вӧлъяське,
Азьмынӥсь ужасьёс кузьымъёс басьтыло.
Жадьытэк шулдырто сценаын артистъёс,
«Айкай»-мы но татын — гажано куномы — 
Небӟытэ калыклэсь мӧзмылэм сюлэмзэ.
Ой, тани, нош кӧня тамаша шудонъёс! 
Эшлыко семьяын кырӟаса, эктыса,
Шулдыртом нянь данъян праздникмес-юмшанмес!
Ъ
Ёросэ, вань быдэс шаере мед вӧлмоз
Сэзь удмурт калыклэн вашкала праздникез!

Василий Никитин, Карек-Серма гурт