Маин егитъёсты синмаськытэ эмтодос? (азьланьтонэз)

— Малы эмтодос удысэз быръёно кариськиды? Та удысын маиз тужгес но кельше? Кыӵе шуг-секытъёсын пумиськоно луиськоды?

Александра: Кыӵе ке мукет быръён интыос ик ӧй вал. Мынам мукет адямиослы пайдаё луэме потӥз, вылаз ик семьяямы, матысь ӵыжы-выжыосмы пӧлын но медицина удысын ужасьёс ӧй вал. Та удысысь тодон-валанъёс ноку мултэс уз луэ. 

2022 арын колледжез йылпумъяса, августэ ик Йошкар-Олаысь поликлиникае ужаны интыяськи. Татын мон 18 ноябрёзь ужай. Собере, вордскем гуртэлы матынгес луон понна, Казане выжыны малпай. Та арын ик 1 декабре Казаньысь поликлиникаысь ӝегатскытэк юрттонъя (неотложной) кабинетын фельдшер луыса ужаны интыяськи. Али но отын ужасько. 

Адямиос доры вызове потаськом, озьы ик кабинетын но ужано луиськом. Ӝегатскытэк юрттӥськом, кулэ луиз ке ӝог эмъюрттэтысь врачъёсты ӧтчаськом. Вызовъёсы оген потаны туж секыт, тодыны уг луы, кин тыныд шедьыны быгатэ, пӧртэм висисьёс сюро, котькудӥзлы нимысьтыз амал шедьтоно, шонер кылын вазёно. Ӵемысь кудӟытӥсь юонъёсты юэмъёс доры ветлӥськом, соослэсь мар возьманы но тодыны уг луы. Умоез но вань. Шумпотто валась, ӟеч карись адямиос, кудъёсыз сюлмысь тау каро. Кудъёсыныз ке вераськыны гинэ кулэ, саклык висъяны. Милям туж эшлыко но шаплы коллективмы, пӧртэм югдуръёсы но юрттыны дась. Водительёсмы но куара кылзӥсесь. 

Вазиськеме потэ вань эмтодос удысын ужасьёслы. Гажано эмтодос удысын ужась коллегаосы, ӵош ужасьёстылэсь но кивалтэттылэсь валан но гажан мылкыдъёс гинэ шӧдынысӥзисько, юн тазалык, чидан но котьку ӝутскем мылкыдо луэ.

(Азьланьтонэз вань)