Маин егитъёсты синмаськытэ эмтодос? (азьланьтонэз)

— Малы эмтодос удысэз быръёно кариськиды? Та удысын маиз тужгес но кельше? Кыӵе шуг-секытъёсын пумиськоно луиськоды?

Инна: Пичи дырысен ик медсестра луэме потэ вал ини, соин сокем малпаськонъёс ӧй вал. Мынам котьку потэ вал адямиослы юрттэме, улонзэс каньылгес кареме. Ведь висьыса лыктэм адямилэсь серекъясь ымнырзэ адӟыны кыӵе умой.

Мон дышетски но йылпумъяй Казаньысь медициная колледжез, медсестралэсь ӧнерзэ басьтӥ. Туннэ нуналэ ужасько Казаньысь М. Н. Садыков нимо 7 номеро больницаысь 1-тӥ поликлиникаын хирургической отделенилэн медсестраез луыса. 

Уже мыным туж кельше. Ас мылкыдыя быръем ӧнере ук. Та удысэз шонер бырйи шуыса оскисько. Малы ке шуоно мон адямиослы ӟечсэ но шулдырзэ вайисько. Озьы ик татын котькуд нунал малы ке вылезлы дышетскиськод. Огшоры интыяд уд сылӥськы. Котькуд нунал выленыз пумиськоно луиськод. Эмтодос удысын кӧня гинэ ар тодон-валан уд басьтӥськы, со котьку ӧжыт луэ. Ма веранэз, секытэз но вань. Куддыр пациентъёсын огкыл шедьтыны туж секыт, соос уг валало, керӟегъясько. Нылпи садын кадь ваньзылы нимысьтыз кылъёс шедьтоно луиськод. Куддыр жадиськод но, энергия быре шуысал. Но котькуд ужлэн аслаз шумпотонъёсыз но ӝожомонъёсыз вань. 

Азьланьтонэз вань