Маин егитъёсты синмаськытэ эмтодос? (азьланьтонэз)

— Малы эмтодос удысэз быръёно кариськиды? Та удысын маиз тужгес но кельше? Кыӵе шуг-секытъёсын пумиськоно луиськоды?

Вероника: Мон Казаньысь медицинской колледжын медсестралы дышетски. Медицина удысэз адямилы юрттон мылкыдэн бырйи. Озьы ик котькуд дыре та удыс кулэ луэ ук. Та ӧрез аслад мылкыдыд луыса гинэ бырйыны луэ, малы ке шуоно тонэныд азьланяз адямилэн тазалыкез герӟаськоз. Туннэ нуналэ мон декретын. Декретэ потытозь, Казаньысь МКДЦ-ын но РКБ-ын медсестра луыса ужай. 

Котьку выльзэ тодыны туж кельше. Та туж кылкутымон уж, кудӥз шумпотон но каньыллык кузьма. Котькуд эмчи, ӟуч кылын вераса, стрессэн но выгораниен пумиське. Ведь татын эсэпъямтэ (нормировать карымтэ) ужан график, туж ӝог малпаськытӥсь но кылкутӥсь решениос.

Эшшо шуг-секытэн лыдъяны луэ эмоциональной лябомонэз но. Малы ке шуоно ӵемысь пӧртэм сямо пациентъёсын но соослэн семьяосынызы вераськоно луэ. Та трос физической но эмоциональной кужымез басьтэ. Но, оглом вераса, медицина удыс мыным туж кельше, улонын маке ӟечез вань ке, со адямилы шонер но валаса юрттон.

Азьланьтонэз вань